Hansı hallarda ortez və korset kömək edir?
Onurğanın yana əyilməsi. Erkən mərhələdə korsetlə korreksiya mümkündür.
Skolioz onurğanın yana əyilməsi və öz oxu ətrafında burulmasıdır. Çox vaxt yeniyetməlik dövründə, sürətli boy artımı zamanı aşkar olunur. Əyriliyin dərəcəsinə görə həkim müşahidə, müalicəvi idman və ya korset təyin edir. Korset nə qədər erkən başlanarsa, nəticə bir o qədər yaxşı olur.
Şeno korseti
TLSO korsetKürəyin qabağa əyilməsi (donqarlıq).
Kifoz onurğanın döş şöbəsində həddindən artıq qabağa əyilmədir. Duruş pozuntusu ilə bağlı yüngül formalarda reklinator və müalicəvi idman, struktur kifozda isə həkimin təyini ilə korset istifadə olunur.
ReklinatorTLSO korsetKörpələrdə bud oynağının düzgün inkişaf etməməsi.
Bud oynağının displaziyası körpələrdə bud oynağının formalaşmasının pozulmasıdır. Erkən aşkarlandıqda abduksiya ortezləri ilə effektiv müalicə olunur. Ortezin geyinmə rejimini ortoped təyin edir.
Abduksiya ortezi (displaziya)Anadangəlmə ayaq deformasiyası.
Əyripəncəlik ayağın içəri və aşağı dönməsi ilə müşayiət olunan anadangəlmə deformasiyadır. Ponseti üsulu ilə gipslə korreksiyadan sonra nəticəni qorumaq üçün Denis Braun şinası istifadə olunur.
Denis Braun şinasıYerişin dəstəklənməsi və deformasiyaların qarşısının alınması.
Serebral iflic və digər nevroloji pozuntularda əzələ tonusunun dəyişməsi ayağın və dizin düzgün vəziyyətini pozur. AFO, DAFO, KAFO və HKAFO ortezləri yerişi dəstəkləyir və deformasiyaların inkişafının qarşısını almağa kömək edir.
Ayaq qövsünün aşağı düşməsi.
Yastıpəncəlikdə ayağın qövsü aşağı düşür, bu da ayaqda, dizdə və beldə ağrılara səbəb ola bilər. Fərdi ortopedik tabanlıqlar qövsü dəstəkləyir və yükü bərabər paylayır.
Fərdi ortopedik tabanlıqBu səhifədəki məlumat ümumi xarakter daşıyır və həkim müayinəsini əvəz etmir.
Həkim təyinatınız varsa, onun şəklini WhatsApp-la göndərin — sizə uyğun məhsul barədə məlumat verək.
